काठमाडौं (एजेन्सी) । साँघुरो अन्तरको जितका साथ प्रतिष्ठित एएफसी महिला एसियन कप फुटबल प्रतियोगिताको उपाधि जापानले जितेको छ ।

शनिबार सिड्नीमा सम्पन्न फाइनलमा जापानले आयोजक अष्ट्रेलियालाई १–० को अन्तरले हराउँदै उपाधि चुम्न सफल भएको हो । खेलको १७औं मिनटमा माइका हमानोले गरेको एक मात्र गोल फाइनल खेलको निर्णायक गोल बन्यो ।

जापानले समग्रमा तेस्रोपटक यो उपाधि जितेको हो । संयोग कस्तो भन्दा जापानले उपाधि जितेको तीनै फाइनलमा उसले अष्ट्रेलियालाई समान १–० को अन्तरले हराएको थियो । जापानले अन्तिमपटक यो उपाधि सन् २०१८ मा जितेको थियो ।