धनगढी । धनगढी उपमहानगरपालिका र कैलाली जिल्ला फूटबल संघको समन्वय तथा सहकार्यमा संचालित ग्रासरुट फूटबल कार्यक्रम अन्तर्गत "आफ्नो खेलमैदान आफै सफा राखौं" सम्बन्धमा ग्रासरुट तथा सरसफाइ कार्यक्रम सम्पन्न भएको छ ।

धनगढी-७ कैलाली स्थित पटेला युवा क्लबको खेलमैदानमा भएको ग्रासरुट कार्यक्रममा उल्लेख्य बाल खेलाडीहरुको सहभागिता रहेको कैलाली जिल्ला फुटबल संघका अध्यक्ष अनिल मल्लले बताए ।

सोही अवसरमा खेलमैदान लगायत आसपासका भौतिक पुर्वाधारको सरसफाई कार्यक्रम पनि सम्पन्न गरिएको अध्यक्ष मल्लले बताए ।