काठमाडौं । एन्फा यु–१६ युथ लिग फुटबल प्रतियोगितातर्फ दावेदार मध्ये एकका रुपमा रहेको र उत्कृष्ट लयमा समेत रहेको विभागीय टोली नेपाल पुलिस क्लब बराबरीमा रोकिएको छ ।

बुधबार भएको अन्तिम खेलमा पुलिसले मनाङ मस्र्याङ्दी क्लबसँग गोलरहित बराबरी खेल्दै अंक बाँड्यो । यो नतिजाले पुलिस फेरि शिर्ष स्थानमा उक्लिने अवसरबाट बञ्चित भएको छ ।

पाँच खेलबाट १३ अंक जोडेको पुलिस दोस्रो स्थानमा छ । समान अंक भए तापनि गोलभिन्नताका आधारमा मच्छिन्द्र फुटबल क्लबले शिर्ष स्थानमा पकड बनाएको छ । उता मनाङ भने ११ अंकका साथ तेस्रो स्थानमा छ ।