घोघिदाहा भवानीपुर । महुली ११ स्पोर्टस क्लब, घोघिदाहा भवानीपुर, सप्तरीको आयोजनामा सम्पन्न ४४औं जनचेतना रनिङ शिल्ड खुला नकआउट फुटबल प्रतियोगिताको उपाधि भुम्का फुटबल क्लब, सुनसरीले जितेको छ ।

आइतबार सम्पन्न फाइनलमा झुम्काले प्राग्रेसिभ युथ क्लब, सप्तरीलाई टाईब्रेकरमा हराउँदै उपाधि उचाल्न सफल भएको हो । त्यसअघि निर्धारित समयको खेल दुवै टोलीले १–१ गोलको बराबरी खेलेका थिए । टाईब्रेकरमा भने झुम्काले प्रोग्रेसिभमाथि ३–१ को जित निकाल्न सफल भयो ।

विजेता बनेको झुम्काले उपाधिसहित नगद ५० हजार हात पार्यो भने उपविजेता प्रोग्रेसिभले ३५ हजारसहित ट्रफी, मेडल र प्रमाणपत्रमा चित्त बुझायो । झुम्काका मणि लामा फाइनल खेलको म्यान अफ दि म्याच बने ।

त्यस्तै अन्य विधातर्फ उत्कृष्ट गोलरक्षक झुम्का कै सन्दिप राना चुनिदा सर्वाधिक गोलकर्ताको पुरस्कार प्राग्रेसिभका योगेन कार्कीले हात पारे । त्यस्तै प्रतियोगिताको सर्वश्रेष्ठ खेलाडी पनि प्रोग्रेसिभ कै शिशिर लेखी घोषित भए ।