काठमाडौं । नेपालगञ्ज–११ स्पोर्टस क्लब र सिन्धुपाल्चोक फुटबल क्लब शहिद स्मारक सी डिभिजन लिग छनौटको फाइनलमा प्रवेश गरेका छन् । साथै फाइनल प्रवेश गरेसँगै दुवै टोली सी डिभिजन लिगका लागि छनौट समेत भएका छन् ।

शुक्रबार भएको दिनको पहिलो सेमिफाइनलमा नेपालगञ्जले मसुरिया फुटबल एकेडेमीलाई १–० को साँघुरो अन्तरले हराउँदै फाइनलमा आफ्नो स्थान सुरक्षित गर्न सफल भयो ।

त्यस्तै शुक्रबार नै भएको अर्को सेमिफाइनलमा सिन्धुपाल्चोकले शिवशक्ति युवा क्लबलाई ४–२ को अन्तरले हराउँदै फाइनलमा प्रवेश गर्यो । अब मंसिर २८ गते आइतबार हुने फाइनलमा नेपालगञ्ज र सिन्धुपाल्चोक उपाधिका लागि भिड्नेछन् ।