काठमाडौं ९एजेन्सी० । प्रतिष्ठित दक्षिण अमेरिकी कोपा अमेरिका च्याम्पियन र युइएफए युरो च्याम्पियन बीच हुने फाइनलिसिमाको मिति तय भएको छ । आयोजकका अनुसार स्पेन र अर्जेन्टिना बीचको बहुप्रतिक्षित फाइनलिसिमा सन् २०२६ को २७ मार्चका दिन कतारको लुसैल शहरमा हुने तय भएको हो ।

यसअघि प्रतियोगिता यही सन् २०२५ को जुन र जुलाई महिनाको बीचमा गर्ने योजना रहेको थियो । तर, अन्तर्राष्ट्रिय फुटबलमा स्पेन र अर्जेन्टिना दुवै व्यस्त रहने देखिए पछि मिति सारिएको थियो । यद्यपि मिति घोषणा भने गरिएको थियो । अहिले आएर भने त्यो मिति पनि तय भएको छ ।

अर्जेन्टिना गत संस्करणको विजेता पनि हो । सन् २०२२ मा इङल्याण्डमा भएको फाइनलिसिमामा अर्जेन्टिनाले इटालीलाई ३–० ले हराउँदै उपाधि जितेको थियो ।