
चौबिसे । यहाँ सम्पन्न पाँचौं चौबिसे रनिङ कप यु–२३ अन्तर वडास्तरीय पुरुष नकआउट फुटबल प्रतियोगिताको उपाधि वडा नम्बर ६ राजारानीले जितेको छ । फाइनलमा वडा नम्बर १ बुधबारेलाई टाईब्रेकरमा ४–३ ले हराउँदै वडा नम्बर ६ रानारानी च्याम्पियन बनेको हो ।
विजेता बनेको वडा नम्बर ६ राजारानीले उपाधिसहित नगद ७० हजार हात पार्यो भने उपविजेता वडा नम्बर १ बुधबारेले ३५ हजारसहित ट्रफी, मेडल र प्रमाणपत्रमा चित्त बुझाउन बाध्य बन्यो ।
महिलातर्फ वडा नम्बर २ मुढेबासलाई उपाधि
त्यसैगरी महिलातर्फको फुटबल प्रतियोगितामा वडा नम्बर २ मुढेबासले उपाधि जितेको छ । फाइनलमा वडा नम्बर २ मुढेबासले वडा नम्बर ५ बोधेलाई ३–१ ले हराउँदै उपाधि जित्न सफल भएको हो ।
विजेता बनेको वडा नम्बर २ मुढेबासले उपाधिसहित नगद ४० हजार हात पार्यो भने उपविजेता वडा नम्बर ५ बोधेले २० हजारसहित ट्रफी, मेडल र प्रमाणपत्र प्राप्त गर्यो ।
चौबिसे खेलकुद विकास समिति, धनकुटाको आयोजनामा सम्पन्न भएको प्रतियोगितामा कुल ८ वडाका फुटबल टोलीहरुले सहभागिता जनाएका थिए ।
- १२ औं रारा गोल्डकपमा चर्च ब्वाइज क्लब सेमिफाइनलमा प्रवेश
- १२ औं रारा गोल्डकप: डिफेन्डिङ च्याम्पियन सहलेस पेनाल्टीमा पराजित, बिर्तामोड युनाइटेड सेमिफाइनलमा
- १२ औं रारा गोल्डकप: एल एक्स सिटी फुटबल क्लब सेमिफाइनलमा
- १२ औं रारा गोल्डकप: गोल्डेन स्टार भलुवा सेमिफाइनलमा
- धनकुटाको साँगुरीगढीमा बैशाख १७ गतेदेखि चौथो डाँडाबजार गोल्डकप हुने