च्याङ्ग्रे । अरुण गाउँपालिका र पौवादुङ्मा गाउँपालिका यहाँ जारी प्रथम पौवादुङ्मा गोल्डकप नकआउट फुटबल प्रतियोगिताको सेमिफाइनलमा प्रवेश गरेका छन् ।

क्वाटरफाइनलतर्फ अरुणले दिप्रुङ चुइचुम्मा, खोटाङलाई ६–१ को फराकिलो अन्तरले हरायो । अरुणको जितमा असन राईले ह्याट्रिक गरे भने श्याम मुर्मु, शिशिर लेखी र रोमन भुजेलले एक–एक गोल गरे ।

उता पराजित दिप्रुङका लागि अन्जन हमालले एक मात्र सान्त्वना गोल फर्काए । खेलमा अरुण गाउँपालिकाका श्याम मुर्मु म्यान अफ द म्याच घोषित भए ।

त्यस्तै अर्को क्वाटरफाइनलमा पौवादुङ्माले ट्याम्केमैयुङ गाउँपालिकालाई ७–३ को अन्तरले हरायो । पौवादुङ्माका लागि आशाहाङ राईले ह्याट्रिक गरे । बिनु आलेले दुई गोल गरे भने निकेश राई र विश्वास राईले थप एक–एक गोल गरे ।

उता पराजित ट्याम्केमैयुङका लागि उसन राईले दुई गोल गरे भने थप एक गोल तयाहाङ राईले गरे । खेलमा पौवादुङ्माका ह्याट्रिककर्ता आशाहाङ राई म्यान अफ द म्याच घोषित भए ।