धरान । मित्र मिलन क्लब र युवा जागृती क्लब यहाँ जारी सुनसरी जिल्ला बी डिभिजन लिग फुटबल प्रतियोगिताको फाइनलमा भिड्ने भएका छन ।

धरान स्थित एन्फा टेक्निकल सेन्टरको खेलमैदानमा भएको पहिलो सेमिफाइनलतर्फ मित्र मिलनले रेड स्टार क्लबलाई ३-२ ले हरायो । खेलमा मित्र मिलनका सरोज राई प्लेयर अफ द म्याच घोषित भए ।

दोस्रो सेमिफाइनलमा युवा जागृतिले मितेरी क्लबलाई शुन्यका विरुद्ध २ गोलले हरायो । खेलमा युवा जागृतिका अदित राई प्लेयर अफ द म्याच चुनिए ।

सुनसरी जिल्ला फुटबल संघको आयोजनामा जारी प्रतियोगिता अन्तर्गत अब मित्र मिलन क्लब र युवा जागृती क्लबले यही जेठ ३१ गते हुने फाइनलमा उपाधिका लागि भिड्नेछन ।