काठमाडौं । डिए ब्वाईज फुटबल क्लबको आयोजनामा यही भदौ १५ गतेदेखि प्रथम टुगेदर कप यु–१८ सेभेन ए साईड फुटबल प्रतियोगिता हुने भएको छ ।

गोलढुंगा स्थित अर्यालटार खेलमैदानमा हुने प्रतियोगिताको यही भदौ ११ गतेसम्म टिमदर्ता पनि खुला गरिएको छ । टिमदर्ता शुल्क ३००० तोकिएको छ भने १५०० अनिवार्य रुपमा अग्रिम भुक्तानी गर्नुपर्ने आयोजकले जानकारी दियो ।

प्रतियोगिताको विजेताले उपाधिसहित नगद २० हजार हात पार्नेछ भने उपविजेताले १० हजारसहित ट्रफी, मेडल र प्रमाणपत्र प्राप्त गर्नेछ । त्यस्तै विधागततर्फ उत्कृष्ट हुने खेलाडीहरुलाई पनि उचित पुरस्कारको व्यवस्था गरिएको आयोजकले जानकारी दियो ।

त्यस्तै प्रतियोगिताबारे विस्तृत जानकारीका लागि सम्पर्क नम्बरहरु 9767300113, 9761854200 मा सम्पर्क गर्न सकिने पनि आयोजकले जनाएको छ ।