हेटौडा । मकवानपुर जिल्ला लिग फुटबल प्रतियोगिता अन्तर्गत आइतबार सम्पन्न भएका दुई खेलहरुमा नामटार फुटबल क्लब र न्यु कम्बाईन क्लबले जित हात पारेका छन् ।

गौरीटार मैदानमा भएको खेलमा नामटारले हटिया स्पोर्टसलाई २–१ ले हरायो भने सिमलटार खेलमैदानमा भएको अर्को खेलमा न्यु कम्बाईनले ७ नम्बर फुटबल टिमलाई ३–० ले पराजित गर्यो ।

त्यस्तै आइतबार नै गौरीटार र सिमलटारमा १ बजे हुने भनिएको शुरुवाती दुई खेलहरु भने विविध कारणवश स्थगित गरिएको छ । साथै स्थगित भएका खेलहरु अर्को सूचना जारी गरी छिटै जानकारी गराइने लिग संयोजक युवराज लामाले बताए ।

मकवानपुर जिल्ला फुटबल संघको आयोजनामा जारी प्रतियोगिताको विजेताले उपाधिसहित नगद १ लाख हात पार्नेछ भने उपविजेताले ५० हजार प्राप्त गर्नेछ । लिगको समापन असोज ९ गतेका दिन हुनेछ ।