काठमाडौं । एन्फा महिला लिग राष्ट्रिय फुटबल प्रतियोगिता अन्तर्गत मंगलबार सम्पन्न भएका दुई खेलहरु बराबरीमा टुंगिएका छन् । एन्फा कम्प्लेक्समा भएको पहिलो खेलमा चन्द्रपुर नगरपालिका र कर्णाली प्रदेशले १–१ गोलको बराबरी खेल्दै अंक बाँडे ।

खेलमा चन्द्रपुरका लागि रजनी थोकरले गोल गरिन् भने कर्णालीका लागि सुनकला राईले गोल गरेकी थिईन् । त्यस्तै बर्षाका कारण केही अबेर शुरु भएको दोस्रो खेलमा दुई विभागीय टोली एपिएफ र नेपाल पुलिस क्लबले गोलरहित बराबरी खेल्दै अंक बाँडे ।

कुल १० टोलीहरु सहभागि लिग विजेताले उपाधिसहित नगद १० लाख हात पार्नेछ भने उपविजेताले ५ लाख प्राप्त गर्नेछ । त्यस्तै विधागततर्फ पनि आकर्षक नगद पुरस्कारको व्यवस्था गरिएको छ ।