काठमाडौं । अखिल नेपाल फुटबल संघ (एन्फा) र धुलिखेल नगरपालिकाबीच धुलिखेल खेल मैदानमा कृत्रिम घाँसे मैदान निर्माणको लागि सम्झौता भएको छ ।

एन्फा कम्प्लेक्स सातदोबाटोमा भएको सम्झौतापत्रमा एन्फा अध्यक्ष पंकज विक्रम नेम्बाङ्ग र धुलिखेल नगरपालिकाका नगर प्रमुख अशोक कुमार व्यान्जुले हस्ताक्षर गरे ।

हस्ताक्षर कार्यक्रममा एन्फा महासचिव किरण राई र धुलिखेल–३ का वडा अध्यक्ष गणेश आचार्य लगायलतका पदाधिकारीहरुको पनि उपस्थिति रहेको थियो ।

स्मरण रहोस, भाद्र ११ र १३ गते सम्पन्न एन्फा कार्यसमितिको सातौं बैठकले सो मैदान निर्माणका लागि १ लाख अमेरिकी डलर विनियोजन गरेको छ ।