काठमाडौं । एन्फा महिला लिग राष्ट्रिय फुटबल प्रतियोगिता अन्तर्गत विभागीय टोली त्रिभुवन आर्मी फुटबल क्लबले सहज जित दर्ता गरेको छ । आर्मीले मंगलबार छैठौं चरणको पहिलो खेलमा कोशी प्रदेशमाथि ५–० को एकतर्फी जित निकाल्यो ।

एन्फा कम्प्लेक्समा भएको खेलमा आर्मीका लागि बिमला चौधरी र अनिता लम्जेलले समान दुई–दुई गोल गर्दा थप एक गोल हिमा चौधरीले गरेकी थिईन् ।

यो जितपछि ६ खेलबाट १३ अंक जोडेको आर्मी दोस्रो स्थानमा उक्लिएको छ । पराजित कोशी भने १० अंकका साथ चौथो स्थानमा यथावत छ ।

कुल १० टोलीहरु सहभागि लिग विजेताले उपाधिसहित नगद १० लाख हात पार्नेछ भने उपविजेताले ५ लाख प्राप्त गर्नेछ । त्यस्तै विधागततर्फ पनि आकर्षक नगद पुरस्कारको व्यवस्था गरिएको छ ।

(तस्विरः एन्फा)