काठमाडौं । ‘एकता र मित्रताको लागि फुटबल’ भन्ने मूल नाराका साथ इजरायलमा रहेका प्रवासी नेपालीहरु बीच शुक्रबारदेखि सातौं वलीहाङ्ग कप फुटबल प्रतियोगिता हुँदैछ ।

किराँत याक्थुम चुम्लुङ इजरायलको आयोजनामा मक्कावी तेल अविव ट्रेनिङ ग्राउण्डमा हुने प्रतियोगिताको आवश्यक सम्पूर्ण तयारी समेत पूरा भएको छ । प्रतियोगितामा इजरायलमा रहेका कुल १० नेपाली समुदायका फुटबल टोलीहरुले सहभागिता जनाउँदैछन् ।

प्रतियोगिताको विजेताले उपाधिसहित नगद ८००० सेकल हात पार्नेछ भने उपविजेताले ४००० सेकलसहित ट्रफी, मेडल र प्रमाणपत्र प्राप्त गर्नेछ । त्यस्तै विधागततर्फ पनि नगद ४०० सेकलसहित ट्रफीको व्यवस्था गरिएको आयोजकले जानकारी दियो ।