काठमाडौं । लमजुङ सेवा समिति तथा लमजुङ फुटबल क्लब, मकाउको आयोजनामा त्यहाँ रहेका प्रवासी नेपालीहरुबीच आउँदो डिसेम्बर २९ तारीखका दिन प्रथम मस्र्याङ्दी कप फुटबल प्रतियोगिता हुने भएको छ ।

प्रतियोगिताको आवश्यक तयारी शुरु गरिसकिएको तथा टिमदर्ता पनि खुला गरिएको आयोजकले जनाएको छ । साथै टिमदर्ता शुल्क १ हजार हङकङ डलर तोकिएको छ ।

प्रतियोगिताको विजेताले उपाधिसहित नगद ६ हजार हङकङ डलर हात पार्नेछ भने उपविजेताले ३ हजार हङकङ डलरसहित ट्रफी, मेडल र प्रमाणपत्र प्राप्त गर्नेछ । त्यस्तै विधागततर्फ पनि उचित पुरस्कारको व्यवस्था गरिएको आयोजकले जानकारी दियो ।