काठमाडौं । बहुप्रतिक्षित शहिद स्मारक बी डिभिजन लिग फुटबल प्रतियोगिताका लागि टिमदर्ता गर्न मिति थप गरिएको छ । यसअघि एन्फाले यही मंसिर २१ गते शुक्रबार सम्म सम्बन्धित क्लबहरुलाई टिमदर्ता गर्न म्याद दिएको थियो ।

तर एन्फाका अनुसार शुक्रबारसम्म ५ क्लबहरुले मात्र टिमदर्ता गरेकाले दर्ता मिति थप गरिएको सूचना सार्वजनिक गरेको हो । एन्फा र क्लबका पदाधिकारीहरुबीचको छलफल पश्चात् सम्बन्धित क्लबहरुलाई टिमदर्ता गर्न थप ७ दिन म्याद दिइएको छ । जसअनुसार अब दर्ता बाँकी रहेका क्लबहरुले यही मंसिर २८ गतेसम्म टिमदर्ता गरिसक्नुपर्ने एन्फाले जनाएको छ ।