काठमाडौं । उपाधि होड मै रहेको न्युरोडटिम (एनआरटी) ले ललित स्मृति यु–१८ युथ लिग फुटबल प्रतियोगितामा आइतबार महत्वपूर्ण जित हात पारेको छ ।

एन्फा कम्प्लेक्समा भएको खेलमा एनआरटीले संकटा फुटबल क्लबलाई २–१ ले हरायो । यो जितपछि १५ खेलबाट ३१ अंक जोडेको एनआरटी लिगतालिकाको दोस्रो स्थानमा छ । पराजित संकटा भने ३० अंकका साथ तेस्रो स्थानमा छ ।

आइतबार नै भएको खेलमा मच्छिन्द्र फुटबल क्लब र एपिएफ फुटबल क्लबले १–१ गोलको बराबरी खेल्दै अंक बाँडे । यो नतिजापछि १५ खेलबाट मच्छिन्द्रको खातामा २७ अंक छ भने एपिएफको खातामा २६ अंक छ । र, दुवै टोली लिगतालिकाको मध्यतिर छन् ।