काठमाडौं । नव बुद्ध फुटबल क्लब, युएईको आयोजनामा यही आउँदो जनवरी १८ तारीखका दिन युएईमा रहेका प्रवासी नेपालीहरुबीच नव बुद्ध कप खुला सेभेन ए साईड फुटबल प्रतियोगिता हुने भएको छ ।

दुबई स्थित ग्रीनफिल्ड इन्टरनेशनल स्कुलको खेलमैदानमा हुने प्रतियोगिताको विजेताले उपाधिसहित नगद ४५०० युएई दिराम हात पार्नेछ भने उपविजेताले २२०० युएई दिरामसहित ट्रफी, मेडल र प्रमाणपत्र प्राप्त गर्नेछ ।

त्यस्तै सेमिफाइनलमा पराजित हुने दुई टोलीहरुलाई पनि नगद ७००–७०० युएई दिरामको व्यवस्था गरिएको आयोजकले जानकारी दियो । त्यसवाहेक विधागततर्फ उत्कृष्ट हुने खेलाडीहरुलाई पनि उचित पुरस्कारको व्यवस्था गरिएको आयोजकले जनाएको छ ।

प्रतियोगितामा युएईमा रहेका प्रवासी नेपालीहरुको कुल २४ फुटबल टोलीहरुले सहभागिता जनाउने पनि आयोजकले जनाएको छ । सहभागि सबै क्लबहरुलाई आकर्षक गिफ्ट ह्याम्परको पनि व्यवस्था गरिएको आयोजकले जानकारी दियो ।