काठमाडौं । ‘एकता, सद्भाव र प्रवद्र्धन’ भन्ने नाराका साथ मलेसियाको जोहोरमा रहेका नेपालीहरुद्वारा स्थापित स्कुडाई एफसी, जोहोरको आयोजनामा यही जनवरी १२ तारीखका दिन दोस्रो स्कुडाई गोल्डकप हुने भएको छ ।

मलेसियाको जोहोर शहर मै हुने प्रतियोगिताको टिमदर्ता पनि खुला रहेको खेल संयोजक बिशाल लामाले जानकारी दिए । साथै टिमदर्ता शुल्क १२५० मलेसियन रिंगेट रहेको पनि खेल संयोजक लामाले बताए ।

प्रतियोगिताको विजेताले उपाधिसहित नगद ८ हजार मलेसियन रिंगेट हात पार्नेछ भने उपविजेताले ३५ सय मलेसियन रिंगेटसहित ट्रफी, मेडल र प्रमाणपत्र प्राप्त गर्ने आयोजक क्लबका अध्यक्ष प्रेम तामाङले बताए ।

त्यस्तै व्यक्तिगत विधातर्फ उत्कृष्ट हुने खेलाडीहरुलाई पनि उचित पुरस्कारको व्यवस्था गरिएको आयोजकले जनाएको छ ।