च्याङग्रे । आयोजक पौवादुङमा खेलकुद विकास समिति –बी) जारी दोस्रो पौवादुङमा गोल्डकप खुला नकआउट फुटबल प्रतियोगिताको सेमिफाइनलमा प्रवेश गरेको छ ।

आइतबार भएको अन्तिम क्वाटरफाइनलमा पौवादुङमाले अल स्टार फुटबल क्लबलाई शून्यका विरुद्ध ३ गोलले हराउँदै अन्तिम चारमा आफ्नो स्थान सुरक्षित गरेको हो ।

पौवादुङमा रंगशालामा भएको खेलमा पौवादुङमाका लागि जिवन राई, मिलन चाम्लिङ राई र समिर राईले गरे । खेलमा पौवादुङमाका गोलकर्ता जिवन राई म्यान अफ द म्याच समेत चुनिए ।

प्रतियोगिता अन्तर्गत माघ ७ गते सोमबारको पहिलो सेमिफाइनल खेल कोट कालिका एफसी र राजगढ एफसी बीच हुनेछ भने दोस्रो सेमिफाइनल खेल पौवादुङमा खेलकुद विकास समिति –बी) र तिवारीभञ्ज्याङ एफसीबीच हुनेछ ।

गाउँपालिका खेलकुद विकास समिति, पौवादुङमा, भोजपुरको आयोजनामा जारी प्रतियोगिताको विजेताले उपाधिसहित नगद ३ लाख हातपार्नेछ भने उपविजेताले २ लाख प्राप्त गर्नेछ । फाइनल खेल यही माघ ९ गतेका दिन हुनेछ ।