मरिण । मुङग्रे युनाइटेड युवा क्लब, मरिण गाउँपालिका–२, मुङग्रे खाटदमार, सिन्धुलीको आयोजनामा आइतबारदेखि शुरु भएको प्रथम मरिण गोल्डकप नकआउट फुटबल प्रतियोगितामा बागमती युवा क्लब, सर्लाहीले विजयी शुरुवात गरेको छ ।

उद्घाटन खेलमा बागमतीले कटारी टाईगर फुटबल क्लब, उदयपुरलाई टाईब्रेकरमा हराउँदै विजयी शुरुवात गर्न सफल भएको हो । त्यसअघि निर्धारित समयको खेल दुवै टोलीले रोमाञ्चक १–१ गोलको बराबरी खेलेका थिए ।

निर्धारित समयतर्फ बागमतीकाक लागि अनिल मगरले गोल गरेका थिए भने कटारी टाईगरका लागि किरन दनुवारले गोल गरेका थिए । टाईब्रेकरमा भने बागमतीले कटारी टाईगरमाथि ४–२ को जित निकाल्न सफल भयो ।

यो जितसँगै बागमती प्रतियोगिताको सेमिफाइनलमा समेत प्रवेश गरेको छ । खेलमा बागमतीका गोलरक्षक अनिष महतो म्यान अफ दि म्याच घोषित भए । उनले पुरस्कार वापत नगद २ हजार र ट्रफी हात पारे ।