काठमाडौं । जारी शहिद स्मारक बी डिभिजन लिगबाट ए डिभिजन लिगमा बढुवा हुने प्लानिङ ब्वाईज युनाइटेड पहिलो टोली बनेको छ । मंगलबार बाँसबारी क्लबमाथि ०–२ को जित निकाल्दै प्लानिङ ब्वाईज दुई खेल अगावै शिर्ष लिगमा उक्लिने पक्का भएको हो ।

यो जितसँगै ११ खेलबाट २७ अंक जोडेको प्लानिङ ब्वाईज लिग तालिकाको शिर्ष स्थानमा यथावत छ । बाँकी दुई खेलमा हार बेहोरे पनि प्लानिङ ब्वाईजको बढुवामा त्यो हारको नतिजाले कुनै असर पार्ने छैन । त्यस्तै प्लानिङ ब्वाईजसँग पराजित बाँसबारी भने ११ खेलबाट १५ अंकका साथ सातौं स्थानमा झरेको छ ।