काठमाडौं (एजेन्सी) । अफ्रिकी राष्ट्र मोरक्को र दक्षिण अमेरिकी महारथी अर्जेन्टिना जारी ओलम्पिक गेम्सको पुरुष फुटबलतर्फ समूह बी बाट क्वाटरफाइनलमा प्रवेश गरेका छन् ।

समूह चरणको निर्णायक मानिएको अन्तिम दुई खेलतर्फ मोरक्कोले इराकमाथि ३–० को जित निकाल्दा अर्जेन्टिनाले युक्रेनमाथि शून्यका विरुद्ध २ गोलको जित दर्ता गर्यो ।

यो नतिजापछि ३ खेलबाट समान ६–६ अंक जोडेका मोरक्को र अर्जेन्टिना क्रमशः समूह विजेता र उपविजेताका रुपमा क्वाटरफाइनल प्रवेश गरेका छन् । त्यस्तै ३–३ अंक जोडेका युक्रेन र इराक भने क्रमशः तेस्रो र चौथो स्थानमा रहँदै समूह चरणबाट बाहिरिएका छन् ।