काठमाडौं (एजेन्सी) । फ्रान्समा जारी ओलम्पिक गेम्सको महिला फुटबलतर्फ स्वर्ण पदकका लागि फाइनलमा दुई दावेदार ब्राजील र अमेरिका भिड्ने भएका छन् ।

फाइनल प्रवेश गर्ने क्रममा ब्राजीलले अर्को दावेदार टोली स्पेनलाई ४–२ ले हरायो । त्यस्तै अर्को सेमिफाइनलमा अमेरिकाले जर्मनीमाथि १–० को जित निकाल्दै फाइनल यात्रा तय गर्यो ।

अब १० अगस्तका दिन हुने फाइनलमा ब्राजील र अमेरिका स्वर्ण पदकका लागि भिड्ने छन् भने त्यसअघि ९ अगस्तका दिन तेस्रो स्थानका लागि हुने खेलमा स्पेन र जर्मनी काँस्य पदकका लागि भिड्ने छन् ।