भरतपुर । हनामी अन्तरविद्यालय कप छात्र फुटबल प्रतियोगिता अन्तरगत बिहीबार आदर्श पब्लिक स्कुल र स्काई राईडर स्कुलले आ–आफनो खेलमा जित हात पारेका छन् ।

भरतपुर स्थित गेष्ट हाउस खेलमैदानमा भएको दिनको पहिलो खेलमा आदर्श पब्लिकले उषा स्कुललाई ३–१ ले हरायो । खेलमा आदर्श पब्लिकका दर्शिल खड्का म्यान अफ द म्याच घोषित भए ।

त्यस्तै दोस्रो खेलमा स्काई राईडरले नारायणी विद्या मन्दिरलाई शून्यका विरुद्ध २ गोलले हरायो । खेलमा स्काई राईडरका अमन चौधरी म्यान अफ द म्याच घोषित भए ।

भरतपुर फुटबल क्लब, चितवनको आयोजना तथा चितवन जिल्ला फुटबल संघको सह–आयोजनामा जारी प्रतियोगिताको विजेताले उपाधिसहित नगद २० हजार हात पार्नेछ भने उपविजेताले नगद १० हजारसहित ट्रफी, मेडल र प्रमाणपत्रमा चित्त बुझाउनेछ । फाइनल खेल असार २ गतेका दिन हुनेछ ।