काठमाडौं । एन्फा युथ लिग यु–१८ फुटबल प्रतियोगिता अन्तर्गत नेपाल पुलिस क्लबले फराकिलो जितका साथ उत्कृष्ट शुरुवात गर्दा अर्को विभागीय टोली एपिएफ बराबरीमा रोकिएको छ ।

सोमबार एन्फा कम्प्लेक्समा भएको पहिलो खेलमा पुलिसले थ्रीस्टार क्लबलाई ७–२ को फराकिलो अन्तरले हरायो । पुलिसको जितमा बिक्रम गौतमले ह्याट्रिकसहित चार गोल गर्दा सुवास बम, साजनराज गौतम र आदित्य ढुंगेलले समान १–१ गोल गरे । उता पराजित थ्रीस्टारका लागि भने सनिल स्याङतन र अरुण टमाटाले गोल फर्काएका थिए ।

सोमबार नै भएको अर्को खेलमा एपिएफले जावलाखेल युथ क्लबसँग १–१ गोलको बराबरी खेल्दै अंक बाँडेको छ । खेलमा एपिएफका लागि आयुष फुयालले गोल गरे भने जावलाखेलका लागि विवश दर्लामीले गोल गरेका थिए ।