पोखरा । मोफसलको सफलतम र परिचित सहारा क्लब, पोखरासँगको सहकार्य रहेको पोखरा ९ बसपार्कमा अवस्थित सहारा बाल आधारभूत विद्यालयमा अध्ययनरत २ जना बालकहरुलाई शैक्षिक सामाग्री हस्तान्तरण गरिएको छ । 

सोहि विद्यालयका अक्षयकोष दाता पोखरा रामवजार निवासी बैकुण्ठ रञ्जितकार र उनीकी धर्मपत्नी पूर्णीमा रञ्जितकारले एक कार्यक्रमका विच उक्त सामाग्री हस्तान्तरण गरेका हुनु ।

कक्षा ६ मा अध्ययनरत मनिष नेपाली र कक्षा ८ मा अध्ययनरत रविन सुनारको कक्षा १२ सम्मको सम्पुर्ण शैक्षिक खर्च आफूले प्रदान गर्ने जिम्मेवारी लिए संगै समाजसेवी रञ्जित दम्पतिले गत शैक्षिक सत्र देखि उक्त विद्यालयमा सहयोग प्रदान गर्न सुरु गरेका हुन् ।

कार्यक्रममा विद्यार्थीहरुलाई विद्यालय पोशाक १ सेट, झोला १ थान, कापिहरु, ज्यामित बक्स १ थान, जुत्ता १ सेट र डटपेनहरु सहित रेनकोट समेत प्रदान गरिएको थियो । सोहि क्रममा सहयोगि दाता रञ्जित दम्पतीले सहयोग प्राप्त गर्ने विद्यार्थीहरुका अभिभावकहरुलाइ समेत १र१ थान साडि र सर्ट समेत प्रदान गरेका थिए ।

(तस्विरः एभरेष्ट आवाजबाट)