चपरहट्टी । यहाँ जारी तेस्रो चपरहट्टी कप खुला सेभेन ए साईड नकआउट फुटबल प्रतियोगितामा केटुरुप क्लब र खल्लु धारा फुटबल क्लबले आ–आफ्नो खेलमा जित हात पारेका छन् ।

तिलोत्तमा–१ चपरहट्टी स्थित सिद्धार्थ खेलमैदानमा भएको पहिलो खेलमा केटुरुपले सन्जिवनी क्लबलाई शुन्यका विरुद्ध १ गोलले हरायो । दोस्रो खेलमा खल्लु धाराले तिलोत्तमा–१ लाई टाईब्रेकरमा हरायो ।

त्यसअघि निर्धारित समयको खेल दुवै टोलीले २–२ गोलको बराबरी खेलेका थिए । टाईब्रेकरमा भने खल्लु धाराले तिलोत्तमा–१ माथि ३–२ को जित निकाल्न सफल भयो । जित हात पारेका दुवै टोलीहरु दोस्रो चरणमा प्रवेश गरेका छन् ।

कुल ३० टोलीहरु सहभागि प्रतियोगिताको विजेताले उपाधिसहित नगद ५० हजार हात पार्नेछ भने उपविजेताले २५ हजारसहित ट्रफी, मेडल र प्रमाणपत्र प्राप्त गर्ने खेल संयोजक साजन रासकोटीले जानकारी दिए ।