चपरहट्टी । आयोजक चपरहट्टी फुटबल क्लब र युनाइटेड फुटबल क्लब यहाँ जारी तेस्रो चपरहट्टी कप खुला सेभेन ए साईड नकआउट फुटबल प्रतियोगिताको क्वाटरफाइनलमा प्रवेश गरेको छ ।

तिलोत्तमा–१, चपरहट्टी स्थित आयोजक क्लब कै खेलमैदानमा भएको पहिलोखेलमा चपरहट्टीले माछापुच्छ्रे फुटबल क्लबलाई शून्यका विरुद्ध ३ गोलले हरायो ।

त्यस्तै सोही दिन भएको दोस्रो खेलमा युनाइटेडले तिलोत्तमा क्लबलाई शून्यका विरुद्ध ८ गोलको फराकिलो अन्तरले हराउँदै क्वाटरफाइनल यात्रा तय गरेको हो ।

कुल ३० टोलीहरु सहभागि प्रतियोगिताको विजेताले उपाधिसहित नगद ५० हजार हात पार्नेछ भने उपविजेताले २५ हजारसहित ट्रफी, मेडल र प्रमाणपत्र प्राप्त गर्ने खेल संयोजक साजन रासकोटीले जानकारी दिए ।