सुकचर । चुलाचुली फुटबल क्लब, दमक यहाँ जारी चौथो बुढिगंगा सुकचर च्यालेञ्ज कप खुला नकआउट फुटबल प्रतियोगिताको फाइनलमा प्रवेश गरेको छ ।

दोस्रो सेमिफाइनलतर्फ चुलाचुलीले एपिएफ पकली, सुनसरीलाई २–१ ले हराउँदै फाइनल स्थान सुरक्षित गरेको हो । चुलाचुलीको जितमा कोमल खवास र निश्चल बस्नेतले गोल गरे भने एपिएफका लागि समिर दर्जी कार्कीले गोल गरेका थिए ।

खेलमा चुलाचुलीका प्रवेश दनुवार म्यान अफ द म्याच घोषित भए । चुलाचुलीले अब असोज ५ गते शनिबारहुने फाइनलमा पुर्वाञ्चल युनाइटेड, सुन्दरहरैचासँग उपाधिका लागि भिड्ने छन् ।

नव युवा क्लब, बुढिगंगा–६, सुकचरको आयोजना तथा बुढिगंगा गाउँपालिका, मोरङ र बुढिगंगा गाउँपालिका वार्ड नम्बर ६ को कार्यालयको संयोजनामा जारी प्रतियोगिताको विजेताले उपाधिसहित नगद १ लाख १ हजार हात पार्नेछ भने उपविजेताले ५१ हजार प्राप्त गर्नेछ ।