काठमाडौं । साफ महिला च्याम्पियनसितर्फ उत्कृष्ट प्रदर्शन गर्दै फाइनल पुगे तापनि बुधबार फाइनलमा बंगलादेशससँग २–१ ले पराजित हुन पुगेको नेपाली राष्ट्रिय महिला फुटबल टोलीलाई काठमाडौं महानगरपालिकाले नगद २५ लाख हस्तान्तरण गरेको हो ।

महानगरका मेयर बालेन्द्र साह तथा उपमेयर सुनिता डंगोलले बुधबारको फाइनल खेल लगतै टोलीकी कप्तान अन्जिला तुम्बापो सुब्बालाई भेटेर उक्त रकम हस्तान्तरण गरेका हुन् ।

महानगरले उक्त रकम महिला टोलीलाई प्रोत्साहन स्वरुप उपलब्ध गराएको हो । सो अवसरमा अखिल नेपाल फुटबल संघ (एन्फा) का अध्यक्ष पंकज विक्रम नेम्वाङ लगायतको पनि उपस्थिति रहेको थियो ।