काठमाडौं । एन्फा यु–१६ युथ लिग फुटबल प्रतियोगिता अन्तर्गत आइतबार भएको विभागीय भिडन्तमा नेपाल पुलिस क्लबले फराकिलो जित हात पारेको छ ।

एन्फा कम्प्लेक्सको मैदानमा भएको खेलमा पुलिसले अर्को विभागीय टोली त्रिभुवन आर्मी फुटबल क्लबमाथि ७–० को फराकिलो जित हात पारेको हो । पुलिसका लागि समिर राईले ह्याट्रिक गरे । त्यस्तै रिजन राज गौतमले दुई गोल गर्दा समिर मगर र समिर कुमारले समान एक–एक गोल गरे ।

आइतबार नै भएको अर्को खेलमा फ्रेण्डस क्लबले सातदोबाटो युथ क्लबमाथि शून्यका विरुद्ध २ गोलको जित निकाल्दै प्रतियोगितामा विजयी शुरुवात गर्यो ।