काठमाडौं । एन्फा यु–१६ युथ लिगतर्फ सोमबार सातदोबाटो युथ क्लब र हिमालयन शेर्पा क्लबले जित हात पारेका छन् ।

एन्फा कम्प्लेक्समा भएको पहिलो खेलमा सातदोबाटोले एफसी खुमलटारलाई ३–२ ले हरायो । यो जितपछि सातदोबाटो ८ खेलबाट १२ अंकका साथ छैठौं स्थानमा छ । पराजित खुमलटार भने समान खेलबाट ३ अंकका साथ १०औं स्थानमा छ ।

अर्को खेलमा हिमालयन शेर्पाले संघर्षरत टोली त्रिभुवन आर्मी फुटबल क्लबलाई ३–० ले हरायो । यो जितपछि ९ खेलबाट ७ अंक जोडेको शेर्पा लिगतालिकाको नवौं स्थानमा छ । पराजित आर्मी भने अंकविहीन रुपमा पुछारमा छ ।