चौथो अन्तर्राष्ट्रिय आमन्त्रण विराट भेट्रान्स गोल्डकपको दोस्रो दिनको खेलमा विराट भेट्रान्स B टिमले उर्लाबारि भेट्रान्सलाई २:० को गोलअन्तरले हराउँदै सेमिफाइनल स्थान सुरक्षित गरेको छ।

खेलको पहिलो गोल जर्सि नम्बर १५ का नगेन्द्र लिम्बुले गरे भने दोस्रो गोल जर्सि नम्बर २ का महेन्द्र खवासले उत्कृष्ट फ्रिकिक मार्फत गरे। दुवै गोल टिमको शानदार प्रदर्शनको हिस्सा बनेका थिए।

साथै, विराट भेट्रान्स B टिमका गोलकिपर जर्सि नम्बर २३ का सतिस बस्नेतले पेनाल्टी शुट बचाउँदै आफ्नो गोलकिपिङ कौशल देखाए र आफ्नो टिमको जितमा महत्वपूर्ण योगदान पुर्याए।

उक्त जितसँगै विराट भेट्रान्स B टिमले सेमिफाइनल यात्रा तय गरेको छ र अब उनीहरू भोलि मिल्स भेट्रान्स विराटनगरसँग खेल्नेछन्। भोलिको खेलको लागि फुटबलप्रेमीहरू विशेष उत्साहित छन्।

अर्को खेल
भोलि: मिल्स भेट्रान्स विराटनगर vs हाम्रो भेट्रान्स धरान