नवलपुर । फराकिलो जितका साथ वातासिनो, कावासोती यहाँ जारी ३८औं युनाइटेड गोल्डकप खुला नकआउट फुटबल प्रतियोगिताको क्वाटरफाइनलमा प्रवेश गरेको छ ।

शनिबार भएको प्रिक्वाटरफाइनलतर्फ वाासिनोले हरियाली युवा क्लब, रजहरलाई ७–१ को फराकिलो अन्तरले हराउँदै क्वाटरफाइनल यात्रा तय गर्न सफल भएको हो ।

प्रतियोगिता अन्तर्गत भदौ १६ गते आइतबारको खेल रडस रामपुर, चितवन र नप ज्योति क्लब, हसौरा बीच हुने आयोजकले जानकारी दियो ।

युनाइटेड युवा क्लब, गिरुबारीको आयोजनामा जारी प्रतियोगिताको विजेताले उपाधिसहित नगद २ लाख ५० हजार हात पार्नेछ भने उपविजेताले १ लाख ५० हजार हात पार्नेछ । फाइनल खेल भदौ २९ गतेका दिन हुनेछ ।