काठमाडौं । भारतमा जारी प्रतिष्ठित १३३औं डुरान्ड कप आमन्त्रित फुटबल प्रतियोगितामा नेपालको त्रिभुवन आर्मी फुटaबल क्लबले समूह चरणतर्फ लगातार दोस्रो हार बेहोरेको छ ।

समूह एफमा रहेको आर्मीले बिहीबार भएको आफ्नो दोस्रो खेलमा एफसी गोवासँग २–१ ले हार बेहोर्ने पुग्यो । स्मरण रहोस, आर्मीले यसअघि आफ्नो पहिलो खेलमा घरेलु टोली शिलोङ लाजोङसँग १–० को हार बेहोरेको थियो ।

लगातार दूई हारसँगै आर्मीको नकआउट चरणमा प्रवेश गर्ने सम्भावना पनि समाप्त भएको छ । आर्मीले समूह चरणको अन्तिम खेलमा १३ अगस्तका दिन अर्को घरेलु टोली रङ्दाजिद युनाइटेड एफसीसँग खेल्नेछ ।