Western ‘क्वाइन टस’मा जित सफल बन्दै आयोजक माउण्ट स्टार सेमिफाइनलमा
गोलनेपाल

क्वाइन टसमा भाग्यमानी भईदिएपछि आयोजक माउण्ट स्टार युथ क्लब यहाँ जारी पाँचौं माउण्ट स्टार कप नकआउट फुटबल प्रतियोगिताको सेमिफाइनलमा प्रवेश गरेको छ ।

बुटवल स्थित श्री नहरपुर माविको खेलमैदानमा बिहीबार सम्पन्न तेसे क्वाटरफाइनलमा माउण्ट स्टारले सेभेन स्टार युथ क्लब, बेलभरियालाई क्वाइन टसमा हरायो । यसअघि निर्धारित समयको खेल दुवै टोलीले १–१ गोलको रोमाञ्चक बराबरी खेलेका थिए ।

नियमित समयतर्फ आयोजक माउण्ट स्टारका लागि सुवास गुरुङले गोल गरे भने उता सेभेन स्टारका लागि अफ्रिकी खेलाडी पेपेले गोल गरेका थिए । त्यसपछि खराब प्रकाशका कारण थप समय खेल खेलाउन नसकिएपछि दुवै टोलीको सहमतिमा क्वाइन टस गरिएको थियो । जसमा आयोजक भाग्यमानी साबित भईदियो ।

बिहीबारको खेलमा आयोजकका सुवास गुरुङ म्यान अफ द म्याच घोषित भए । प्रतियोगिता अन्तरगत कार्तिक १६ गते शुक्रबारको चौथो तथा अन्तिम क्वाटरफाइनल खेल सुनौलो संगम युवा क्लब, देवीनगर र भैरव एफसी, नवलपारासी बीच आयोजकले जनाएको छ ।

रुपन्देही, काठमाडौं, हेटौडा, चितवन र कपिलवस्तुका गरी कुल १६ टोलीहरुको सहभागिता रहेको प्रतियोगिताको बिजेताले उपाधिसहित नगद २ लाख २५ हजार प्राप्त गर्नेछ । प्रतियोगिताको फाइनल खेल कार्तिक २० गते हुनेछ ।

Post Comments
Loading...