सुन्दरहरैचा । आर.टी. धरान फुटबल क्लब, सुनसरी मोरङमा जारी प्रथम सुन्दरहरैचा खोर्साने गोल्डकप खुला नकआउट फुटबल प्रतियोगिताको फाइनलमा प्रवेश गरेको छ ।

बुधबार सम्पन्न पहिलो सेमिफाइनलमा आर.टी. धरानले सतिसाले स्र्पोटिङ क्लब, मोरङलाई ३–१ ले हराउँदै उपाधि नजिक आफ्नो स्थान पक्का गरेको हो ।

आर.टी. धरानका लागि तपन कार्की, कृष्ण राई र दोर्जे तामाङले गोल गरे । उता पराजित सतिसाले स्र्पोटिङका लागि भने साजन बर्देवाले एक मात्र गोल फर्काएका थिए । खेलमा आर.टी. धरानका दोर्जे तामाङ प्लेयर अफ द म्याच चुनिए ।

प्रतियोगिता अन्तर्गत जेठ ७ गते बिहीबारको दोस्रो सेमिफाइनल खेल सलहेश युवा क्लब, सिराहा र सुन्दर खोर्साने युवा क्लब, सुन्दरहरैचा, मोरङबीच हुने आयोजकले जानकारी दियो ।