इलाम । रेड हर्ष फुटबल क्लब, इलामको आयोजना हुने इलाम गोल्डकप राष्ट्रिय नकआउट फुटबल प्रतियोगिताको दोस्रो संस्करण पनि छिटै आयोजना गरिने भएको छ ।

आयोजक क्लबले आफ्नो आधिकारिक पेजमार्फत जानकारी गराउँदै प्रतियोगिताको दोस्रो संस्करण छिटै आउन लागेको कुरा जानकारी गराएको हो । यद्यपि प्रतियोगिताको मितिबारे भने जानकारी गराइएको छैन ।

आयोजकका अनुसार प्रतियोगिताको मिति, पुरस्कार राशी लगायतका विस्तृत विवरण आधिकारिक रुपमा पत्रकार सम्मेलन गरी छिटै जानकारी गराइने बताइएको छ ।

स्मरण रहोस, गत वर्ष सम्पन्न प्रतियोगिताको पहिलो संस्करण न्युरोडटिम (एनआरटी) ले जितेको थियो । एनआरटीले फाइनलमा बिर्तामोड युनाइटेड क्लबलाई हराउँदै उपाधिसहित ५ लाख नगद जित्न सफल भएको थियो ।