काठमाडौं । युरोपेली मैदान इजरायलमा व्यवसायीक फुटबल खेलिरहेकी नेपालकी स्टार फरवार्ड साबित्रा भण्डारीले इजरायलको महिला लिगतर्फ आफ्नो डेब्यु खेल मै उत्कृष्ट प्रदर्शन गरेकी छिन् ।

शुक्रबार लिगको पहिलो खेलमा साबित्राको टोली हापोएल रा’नानाले रमत हशरोनलाई शून्यका विरुद्ध ४ गोलले हरायो । खेलमा हापोएलका लागि चारै गोल साबित्राले गरीन् । र, टोलीलाई महत्वपूर्ण जित दिलाउन निर्णायक बनिन् ।

यो जितसँगै हापोएलले लिगमा महत्वपूर्ण तीन अंक पनि जोड्न सफल भएको छ । हापोएलले आफ्नो आगामी खेल सेप्टेम्बर ६ तारीख बुधबारका दिन किर्यात गत एससी वुमन विरुद्ध खेल्नेछ । लिगमा कुल आठ टोलीहरु सहभागि छन् ।