काठमाडौं । साउदी अरेबियामा जारी एएफसी यु–१७ एसियन कपतर्फ उत्तर कोरियाले पहिलो जित दर्ता गर्दा इरान भने स्तब्धपुर्ण रुपमा पराजित हुन पुगेको छ ।

समूह डी तर्फ आफ्नो दोस्रो खेलमा उत्तर कोरियाले ताजिकिस्तानमाथि ३–० को जित निकाल्दा ओमानले इरानलाई ३–२ ले स्तब्ध बनायो ।

समूह डी बाट अझै चारै टोलीहरुको नकआउट चरणमा पुग्ने सम्भावना कायम छ । दुई खेलबाट ४ अंक जोडेको उत्तर कोरिया शिर्ष स्थानमा रहँदा ३–३ अंक जोडेको ताजिकस्तान र ओमान क्रमशः दोस्रो र तेस्रो स्थानमा छन् । १ अंकका साथ इरान पुछारमा छ ।

समूह चरणतर्फको अन्तिम खेलमा अप्रिल ११ तारीखका दिन इरानले ताजिकिस्तानको सामना गर्नेछ भने सोही दिन ओमान र उत्तर कोरिया भिड्ने छन् ।