काठमाडौं । जोर्डनमा व्यवसायीक फुटबल खेलिरहेकी नेपालकी स्टार मिडफिल्डर प्रिती राईले जोर्डनको शिर्ष महिला लिगमा आफ्नो उत्कृष्ट लयलाई कायम राख्दै गोल स्कोरिङ लयलाई पनि निरन्तरता दिएकी छिन् ।

जोर्डनको शिर्ष महिला प्रो लिगको सातौं खेलमा इतिहादले फ्युचर नशामासँग १–१ को बराबरी खेल्दा इतिहादका लागि पहिलो रोजाई मै रहेर खेलेकी प्रितीले एक मात्र गोल गरिन् ।

यो बराबरी नतिजाका बावजुद इतिहाद १४ अंकका साथ लिगतालिकाको शिर्ष स्थानमा यथावत छ । इतिहादले आफ्नो आगामी खेल डिसेम्बर ८ तारीखका दिन इस्टिकलल क्लबसँग खेल्नेछ ।