काठमाडौं (एजेन्सी) । फिफा विश्वकप २०२६ तर्फ समूह आईबाट पूर्व विश्वविजेता तथा गत संस्करणको उपविजेता फ्रान्ससँगै नर्वे र सेनेगलले पनि नकआउट चरणमा स्थान बनाएका छन् ।

समूह चरणको अन्तिम खेलमा फ्रान्सले नर्वेलाई ४–१ ले हराउँदा सोही समूहको अर्को खेलमा सेनेगलले इराकमाथि ५–० को उत्कृष्ट जित दर्ता गर्न सफल भयो ।

यो नतिजापछि तीन खेलबाट ९ अंक जोडेको फ्रान्स समूह विजेता बन्यो । उता हारका बावजुद ६ अंक जोडेको नर्वे समूह उपविजेता बन्दा ३ अंकसहित तेस्रो स्थानमा रहेको सेनेगल उत्कृष्ट तेस्रो स्थान हासिल गर्ने टोलीका रुपमा नकआउट चरणमा प्रवेश गर्यो । अंकविहीन इराक भने पुछारमा रहेर बाहिरियो ।