काठमाडौं । एन्फा यु-१६ युथ लिग फुटबल प्रतियोगिताअन्तर्गत बुधबार मनाङ मर्स्याङ्दी क्लब र श्री भगवती क्लबले जित हात पारेका छन ।

सातदोबाटो स्थित एन्फा कम्प्लेक्समा भएको पहिलो खेलमा मनाङले त्रिभुवन आर्मी फुटबल क्लबलाई २-० ले हरायो । मनाङको जितमा दुवै गोल प्रकाश सिंहले गरे ।

यो जितपछी ७ खेलबाट १४ अंक जोडेको मनाङ लिगतालिकाको पाँचौं स्थानमा उक्लेको छ । पराजित आर्मी भने ३ अंकका साथ १३औं स्थानमा छ ।

बुधबार नै भएको अर्को खेलमा भगवतीले फ्रेन्डस क्लबलाई १-० ले पराजित गर्यो । यो जितपछी भगवती ७ खेलबाट ६ अंकका साथ दशौ स्थानमा छ । पराजित फ्रेन्ड्स भने १६ अंकका साथ तेस्रो स्थानमा छ ।