मेचीनगर । रोमाञ्चक जितका साथ सैनिक युथ क्लब यहाँ जारी प्रथम त्रिवेणी च्यालेञ्ज कप अन्तर्राष्ट्रिय आमन्त्रण नकआउट फुटबल प्रतियोगिताको सेमिफाइनलमा प्रवेश गरेको छ ।

मेचीनगर १५, झापा स्थित ज्यामिरगढी हाई स्कुलको खेलमैदानमा भएको क्वाटरफाइनलतर्फ सैनिक युथले कोशी पुलिस क्लबलाई २–१ ले हराउँदै अन्तिम चारमा स्थान बनाएको हो ।

सैनिक युथको जितमा निर्णायक दुई गोल गरेका सौरभ सुब्बा खेलको म्यान अफ दि म्याच समेत घोषित भए । प्रतियोगिता अन्तर्गत मंसिर १३ गते शनिबारको अन्तिम क्वाटरफाइनल खेल रेडहर्ष क्लब, इलाम र युनाइटेड ब्रदर्श, दार्जिलिङ बीच हुने आयोजकले जानकारी दियो ।

त्रिवेणी युथ क्लब, मेचीनगर, झापाको आयोजनामा जारी प्रतियोगिताको विजेताले उपाधिसहित नगद २ लाख हात पार्नेछ भने उपविजेताले १ लाखसहित ट्रफी, मेडल र प्रमाणपत्र प्राप्त गर्नेछ ।