बुढीगंगा । संयुक्त युवा क्लब यहाँ जारी दोस्रो हात्तिमुढा कप खुला नकआउट फुटबल प्रतियोगिताको क्वाटरफाइनलमा प्रवेश गर्ने अन्तिम टोली बनेको छ ।

अन्तिम प्रिक्वाटरफाइनलतर्फ संयुक्तले रोयल लाईन फुटबल क्लबलाई ३–१ को अन्तरले हराउँदै अन्तिम आठमा स्थान बनाउने अन्तिम टोली बनेको हो ।

संयुक्तको जितमा कबिन्द्र चौधरी, रंजित चौधरी र समित चौधरीले गोल गरे । उता पराजित रोयल लाईनका लागि भने दिपेन राईले एक मात्र गोल फर्काएका थिए । खेलमा संयुक्तका कबिन्द्र चौधरी म्यान अफ दि म्याच बने ।

प्रतियोगिता अन्तर्गत मंसिर २६ गते शुक्रबारको पहिलो क्वाटरफाइनल खेल जुनियर फुटबल क्लब, ग्रामथान र गछिया युवा समाज, मोरङ बीच हुने आयोजकले जानकारी दियो ।