काठमाडौं । माजिया स्पोर्टसका लागि खेल्दै माल्दिभ्सको शिर्ष महिला लिगको उपाधि जितेकी रेखा पौडेल प्रतियोगिताको विदेशी कोटातर्फ सर्वश्रेष्ठ खेलाडी बनेकी छिन् । प्रतियोगिता भरि कुल ५ खेलबाट आठ गोल गरेकी रेखा सर्वश्रेष्ठ खेलाडी बनेकी हुन् । स्थानीयतर्फ भने ओडी स्पोर्टसकी फथिमाथ सालिया बेस्ट प्लेयर बनेकी थिईन् ।

स्मरण रहोस, रेखा र दिपा शाही सम्मिलित माजिया स्पोर्टसले लिगको निर्णायक खेलमा ओडी स्पोर्टस क्लबलाई २–० ले हराउँदै लिग च्याम्पियन बन्न सफल भएको थियो । सो खेलमा माजियाका लागि दुवै गोल रेखा र दिपाले गरेकी थिईन् ।

त्यस्तै आयोजकले लिग समापनपछि घोषणा गरेको ड्रिम टिममा पनि रेखा र दिपा परेका छन् । आयोजकले सार्वजनिक गरेको ड्रिम टिममा माजिया स्पोर्टसका कुल चार खेलाडीहरु परेका छन् । जसमा रेखा र दिपाको नाम पनि उल्लेख छ ।