काठमाडौं । एन्फा यु–१६ युथ लिगतर्फ आइतबार पहिलो खेलमा हिमालयन शेर्पा क्लबले रोमाञ्चक जित हात पारेको छ । एन्फा कम्प्लेक्समा सम्पन्न खेलमा शेर्पाले संकटा फुटबल क्लबलाई २–१ ले हरायो ।

शेर्पाको जितमा जेनिल सुब्बा र महेश राईले गोल गरे । उता पराजित संकटाका लागि भने पेम्बा तामाङले गोल गरेका थिए । खेलमा शेर्पाका उत्सव खड्का प्लेयर अफ दि म्याच चुनिए ।

यो जितपछि २६ खेलबाट ३२ अंक जोडेको शेर्पा लिगतालिकाको नवौं स्थानमा कायम छ । पराजित संकटा ४७ अंकका साथ अंकतालिकाको छैठौं स्थानमा रहेको छ ।