काठमाडौं । ल्याबोरेटरी सेकेण्डरी स्कुल, किर्तिपुर, काठमाडौंको आयोजनामा जारी किर्तिपुर प्याब्सन कप अन्तर विद्यालय फुटबल प्रतियोगितामा सोमबार चार खेलहरु सम्पन्न भएका छन् ।

आयोजक स्कुलको खेलमैदानमा भएको खेलमा एसियाली तारापुञ्जले उज्जवल शिशुलाई शून्यका विरुद्ध ७ गोलको फराकिलो अन्तरले हरायो । अर्को खेलमा मेगस इङ्गलिस स्कुलले बागभैरव स्कुललाई ३–० ले निराश तुल्यायो ।

त्यसैगरी दिनकै तेस्रो खेलमा न्यु होराईजनले साउथ भ्यालीलाई २–१ ले हराउँदा पुष्पसदनले आयोजक ल्याबोरेटरी स्कुल (बी) लाई २–१ ले पराजित गर्यो । प्रतियोगिता अन्तरगत माघ १७ गते मंगलबार पनि तीन खेलहरु हुने प्रतियोगिता संयोजक महेन्द्र चिलुवालले जानकारी दिए ।